kaisi zamin sukun kahan ka kahan ki chhanv
mujh ko nigal ga.i mire naḳhl-e-aman ki chhanv
chha ja.egi yaqin ki arz-e-basit par
zehnon men phailte hue dud-e-guman ki chhanv
gahra.iyon ne mujh ko ubharne nahin diya
raqsan thi sat.h-e-ab pe ik badban ki chhanv
suraj ki mumlikat men ghanimat samajh use
sar se guzar ga.i tire abr-e-ravan ki chhanv
ham dhuup ke safar pe musalsal hain gamzan
kashkol-e-chashm men liye ik sa.eban ki chhanv
Leave a Reply