shikasta ḳhvab mire a.ine men rakkhe hain
ye kya azaab mire aa.ine men rakkhe hain
abhi to ishq ki parten khulengi tah-dar-tah
abhi hijab mire aa.ine men rakkhe hain
paḌha rahe ho mujhe tum ye kis jahan ke sabaq
mire nisab mire aa.ine men rakkhe hain
tumhare ḳhvab salamat hain ujḌi ankhon men
jo zer-e-ab mire aa.ine men rakkhe hain
tumhare hijr men guzre hue sabhi lamhe
miri kitab mire aa.ine men rakkhe hain
Leave a Reply