Poet
duniya vo raste ki rukavaT hai dosto
jis se hamen shadid lagavaT hai dosto
chhat par khaḌe hain phir bhi nazar asman pe hai
paani men tishnagi ki milavaT hai dosto
ik to ye raste hain ki jaise hon da.ere
us par masafaton ki thakavaT hai dosto
ham sab ko kya paḌi ki ta.alluq bana.en ham
chehron pe pur-fareb banavaT hai dosto
lamhon ki ungliyon pe sabhi nachne lage
ye jashn-e-zindagi ki banavaT hai dosto
Leave a Reply