Duniya Wo Raste Ki rukawaT Hai Dosto

duniyā vo rāste kī rukāvaT hai dosto

jis se hameñ shadīd lagāvaT hai dosto

chhat par khaḌe haiñ phir bhī nazar āsmāñ pe hai

paanī meñ tishnagī kī milāvaT hai dosto

ik to ye rāste haiñ ki jaise hoñ dā.ere

us par masāfatoñ kī thakāvaT hai dosto

ham sab ko kyā paḌī ki ta.alluq banā.eñ ham

chehroñ pe pur-fareb banāvaT hai dosto

lamhoñ kī uñgliyoñ pe sabhī nāchne lage

ye jashn-e-zindagī kī banāvaT hai dosto

Leave a Comment