Shikasta Chhat Mein Parindon Ko Jab Thikana Mila

shikasta chhat meñ parindoñ ko jab Thikāna milā

maiñ ḳhush huā ki mire ghar ko bhī gharānā milā

falak pe uḌte hue bhī nazar zamīñ pe rahī

mizāj mujh ko muqaddar se tā.irāna milā

ham us ke husn-e-suḳhan kī dalīl kyā deñge

vo jitnī baar milā ham se barmalā na milā

ab aa gayā hai to chup-chāp ḳhāmushī ko sun

mire sukūt meñ apnī koī sadā na milā

laḌī sī TuuT ke āñkhoñ se gir paḌī ai ‘shauq’

laboñ se harf kā koī bhī silsila na milā

Leave a Comment