Bachpan Mein Is daraKHt Pe Kaisa Sitam Hua

bachpan meñ is daraḳht pe kaisā sitam huā

jo shāḳh is kī maañ thī vahāñ se qalam huā

munsif ho yā gavāh manāeñge apnī ḳhair

gar faisla anā se mirī kuchh bhī kam huā

ik raushnī taḌap ke ye kahtī hai bārhā

kyuuñ āsmāñ kā nuur ghaTāoñ meñ zam huā

yak-laḳht aa ke aaj vo mujh se lipaT gayā

jo fāsla diloñ meñ thā ashkoñ meñ zam huā

Leave a Comment