Poet
shayad tujh se milne ki gunja.ish hai
sannaTa hai ḳhamoshi hai barish hai
meri ankhen ḳhvab tire hi dekhengi
in men begane ḳhvabon ki bandish hai
ab ja kar ke dil ko ye ehsas hua
tera pyaar bhi pyaar nahin ik sazish hai
tujh ko dekh ke aisa kyuun mahsus hua
ḳhush hai tu ya ḳhush hone ki koshish hai
rishton ki qabron par miTTi mat Daalo
in men ab bhi sanson ki gunja.ish hai
Leave a Reply