Shauq-E-Surur Sham-E-Gham Apne Siwa Kisi Ka Hai

Atif Tauqeer

shauq-e-surur sham-e-gham apne siva kisi ka hai

jam-o-subu kisi ke hain kaif-o-nasha kisi ka hai

ḳhud tak pahunch ke dekhiye kya kya paḌega beach men

goya qaba hai aap ki band-e-qaba kisi ki hai

ḳhema-e-samri ko hai azhdaha-e-ramis ka ḳhauf

ya.ani asa kisi ki hai ya.ani ḳhuda kisi ka hai

kis kis ḳhuda ka zikr ho kis kis ḳhuda se kaam ho

dil men dua kisi se hai harf-e-dua kisi ka hai

kasa-e-jism-o-jan ḳhala lamha-e-dostan ḳhala

va.ada-e-shab kisi se hai va.ada vafa kisi ka hai