shauq apna aap main apni zaban se kyuun kahun
dil jo kuchh kahta hai vo us bad-guman se kyuun kahun
tum samajh lo soch lo tum taaḌ lo pahchan lo
baat apne dil ki main apni zaban se kyuun kahun
kaan men sun lo idhar aa kar miri ik baat tum
tum se kuchh kahta huun main saare jahan se kyuun kahun
dastan avval se suniye meri sunni hai agar
aap kahte hain jahan se main vahan se kyuun kahun
kaan men chupke se ‘beḳhud’ jo kaha hai yaar ne
rashk aata hai mujhe vo raz-dan se kyuun kahun
Leave a Reply