sharh-e-jamal kiije shahadat ke ma-siva
husn-e-azal ki baat rivayat ke ma-siva
rag rag men dauḌti thi baharon ki tazgi
ab kuchh nahin lahu men hararat ke ma-siva
ma.ani men Dhaal dijiye ik ek harf ko
kiije magar kalam ibarat ke ma-siva
milta nahin jahan men rang astan ka
matam hai karbala men shahadat ke ma-siva
bas ik qayam diid pe hai ijtima-e-kul
mumkin nahin hai hashr qayamat ke ma-siva
uThta nahin hai paanv ‘samad’ aabla baghair
lab pe nahin hai harf sadaqat ke ma-siva
Leave a Reply