Shanasa-E-Salib-E-Gham Badan Hai

Poet

shanasa-e-salib-e-gham badan hai

ye apna aap hi goya kafan hai

mujhe rusva kya kam-ma.egi ne

mira hi zarf mujh par ta.ana-zan hai

pata deti hai lau ye tharthara kar

fasurda-dil charagh-e-anjuman hai

lagao tohmat-e-isyan na is par

nahin yusuf ka mera pairahan hai

aziz-e-misr aur qurb-e-zuleḳha

nigar-e-ḳhvab ka ye husn-e-zan hai

fida.i zindagi paa.en ajal se

isharon ki yahi rasm-e-kohan hai

hamin ne zindagi teshe ko baḳhshi

hamin se azmat dar-o-rasan hai

kiya zanjir-e-pa mahmil-nashin ko

jabin-e-vaqt par kaisi shikan hai

usi jalve se ‘baḳht’ ankhen hain raushan

vahi jalva nigahon ka kafan hai