Dila Ye Mai-Kada-E-Ishq Hai Sharab Tu Pi

Poet

dila ye mai-kada-e-ishq hai sharab tu pi

sharab agar nahin ḳhun-e-dil-e-ḳharab tu pi

bahe jo dhaar dam-e-tegh se na ja pyasa

sabil-e-nazr-e-shahidan yahi hai aab tu pi

ba-rang-e-shabnam-e-gul dagh-e-ishq se dil par

jo gul na khaa.e to be-ḳhud na ho gulab tu pi

na aftab-e-qayamat se Dar mai-e-gul-rang

kare chaman men agar sair mahtab tu pi

vala ye jam-e-mai-e-nab barq-o-baran men

jo jam-e-jam se hai maana ba-ab-o-tab tu pi

sharab jauhar-e-atish hai aql hai simab

ye le uḌe hai agar us ki laa.e taab tu pi

rasid-e-qatra ba-dariya hai mai se bhar bhar ke

surahi-e-guhar-o-kasa-e-habab tu pi

naqab munh se uTha aftab abr men hai

miyan piyala jo piina hai be-hijab tu pi

hai abr-e-saya-e-rahmat gunahgaron par

piyala ho.e agar rash.ha-e-sahab tu pi

jigar jale to na girne de aankh se aansu

ba-az-sharab ye ḳhun-naba-e-kabab tu pi

rahega mast tah-e-ḳhak daur-e-mahshar tak

‘muhib’ man-e-mai-e-ishq-e-abu-turab tu pi