Shama Bhi Is Safa Se Jalti Hai

shama bhi is safa se jalti hai

tere rukh par nigah phisalti hai

khaak udati hai ai saba meri

be-adab kis tarah se chalti hai

vo na aaya to jaan jaenge

kab tabiat miri bahalti hai

dil nikalta hai us ke gesu se

nagani dekho man ugalti hai

nigah-e-garm yaar dekhe hai

kab kisi se ye aankh jalti hai

ik pari-ru pe ‘barq’ marta huun

jaan us par miri nikalti hai

Leave a Comment