Poet
sham-e-firaq sub.h-e-daraḳhshan hai aj-kal
har ashk jaise nayyar-e-taban hai aj-kal
yarab mata-e-dard mohabbat ki ḳhair ho
phir chashm-e-naz silsila-jumban hai aj-kal
allah-re jazb-e-ishq ki pindar-e-husn-e-dost
majruh-e-iltifat-e-gurezan hai aj-kal
barpa hai chashm-e-naz men phir hashr-e-iltifat
sach-much jafa pe koi pasheman hai aj-kal
lau de uThe hain dida-o-dil fart-e-shauq se
mehrab-e-zindagi men charaghan hai aj-kal
Leave a Reply