shaḳhsiyat jis ki anal-haq ki saza-var lage
har taraf us ke na kyon falsafa-e-dar lage
saans main rokun to ruk jaa.e nizam-e-alam
nabz hathon ki mire vaqt ki raftar lage
ḳhabar-e-hal-e-chaman kyon na mile nazir ko
varaq-e-chehra-e-gul saf.ha-e-aḳhbar lage
ho ga.i aam andhere ki ḳhabar chhup na saki
sub.h har chehre hamen raat ke aḳhbar lage
jis ki nazron men nahin siip ki koi qimat
abr-e-naisan ka amal hi use dur-bar lage
Leave a Reply