harim-e-dil men Thahar ya sara-e-jan men ruk
ye sab makan hain tere kisi makan men ruk
abhi main joḌ raha huun yaqin ka pyala
tu aisa kar ki abhi kasa-e-guman men ruk
main tujh ko bandh luun apni ghazal ke sheron men
ḳhayal-e-yar zara der mere dhyan men ruk
bahut si qaus-e-quzah ban rahi hain ankhon men
ai haft-rang pari meri dastan men ruk
main apne sheron ka me.aar kuchh buland karun
mire huruf men zam ho miri zaban men ruk
Leave a Reply