shahr sab hadson ki zad men tha
raat din sanehon ki zad men tha
aks-dar-aks baT gaya tha vajud
is qadar a.inon ki zad men tha
manzilon ka suragh kya paate
ki safar raston ki zad men tha
ruuh ke zaḳhm hi na the nasur
jism bhi kirchiyon ki zad men tha
go tha muḳhtar-e-kul magar insan
kitni majburiyon ki zad men tha
ek insan hazar paimane
aadmi falsafon ki zad men tha
sar pe ik sa.eban tha bosida
aur ghar barishon ki zad men tha
Leave a Reply