Shahr Ki Galiyan Ghum Rahi Hain Mere Qadam Ke Sath

shahr kī galiyāñ ghuum rahī haiñ mere qadam ke saath

aise safar meñ itnī thakan meñ kaise kaTegī raat

ḳhvāb meñ jaise ghar se nikal kar ghuum rahā ho koī

raat meñ aksar yuuñ bhī phirī hai tere liye ik zaat

chand bagūle ḳhushk zamīn par aur havā.eñ tez

is sahrā meñ kaisī bahāreñ kaisī bharī barsāt

shor machā.eñ bastī bastī soch rahe the aap

dekhā kin kin vīrānoñ meñ le ke ga.e hālāt

Leave a Comment