Qamar Jameel
shahr ki galiyan ghuum rahi hain mere qadam ke saath
aise safar men itni thakan men kaise kaTegi raat
ḳhvab men jaise ghar se nikal kar ghuum raha ho koi
raat men aksar yuun bhi phiri hai tere liye ik zaat
chand bagule ḳhushk zamin par aur hava.en tez
is sahra men kaisi baharen kaisi bhari barsat
shor macha.en basti basti soch rahe the aap
dekha kin kin viranon men le ke ga.e halat
Leave a Reply