Kuchh Bhi Kar Guzarne Mein Der Kitni Lagti Hai

kuchh bhi kar guzarne men der kitni lagti hai

barf ke pighalne men der kitni lagti hai

us ne hans ke dekha to muskura diye ham bhi

zaat se nikalne men der kitni lagti hai

hijr ki tamazat se vasl ke alaav tak

ladkiyon ke jalne men der kitni lagti hai

baat jaisi be-maani baat aur kya hogi

baat ke mukarne men der kitni lagti hai

zoam kitna karte ho ik charagh par apne

aur hava ke chalne men der kitni lagti hai

jab yaqin ki banhon par shak ke paanv pad jaaen

chudiyan bikharne men der kitni lagni hai

Leave a Comment