Shahr Ka Rog Hai Jis Samt Bhi Bas Jaega Tu

Mushaf Iqbal Tausifi

shahr ka rog hai jis samt bhi bas ja.ega tu

khule sahraon ki avaz ko Das ja.ega tu

jab bhi yadon ki zamistani hava chiḳhegi

apne barfile makanon men jhulas ja.ega tu

soḳhta shaam ki mahmil huun main jaata hai kahan

saath mere hi ba-andaz-e-jaras ja.ega tu

aaj main apne ta.aqub men nikal ja.unga

kal mire naqsh-e-kaf-e-pa ko taras ja.ega tu

dekh vo dasht ki divar hai sab ka maqtal

is baras ja.unga main agle baras ja.ega tu

main bujhi mahfilon ki ashtray ki ik pyaas

raakh ban kar mire honTon pe baras ja.ega tu

is qadar rasm-o-rah-e-jism ‘musavvir’ na baḌha

apne hi jism ko ik roz taras ja.ega tu