main jo bad-havas tha mahv-e-qayas tum bhi the
bichhaḌte vaqt zara sa udaas tum bhi the
badalte vaqt ka manzar tha sab ki ankhon men
misal main tha agar iqtibas tum bhi the
mujhe to daar mila tum ko kaise taḳht mila
suna hai meri tarah haq-shanas tum bhi the
tumhare honT se ḳhushiyan chhalak ga.iin kaise
uTha.e haath men ḳhali gilas tum bhi the
akela-pan pe ka.i sher kah diye main ne
ye aur baat mire aas paas tum bhi the
Leave a Reply