Sanwar Jae Bhi to Munh Dekhne Darpan Nahin Milta

sañvar jaa.e bhī to muñh dekhne darpan nahīñ miltā

ġharībī kī kalā.ī meñ koī kañgan nahīñ miltā

baḌoñ kī ḳhvāhishoñ kā bojh hai nanhe se kandhoñ par

hamāre daur meñ bachchoñ ko ab bachpan nahīñ miltā

maiñ zid kar ke kabhī rotā to aañsū poñchh letī thī

abhī rotā huuñ to shafqat-bharā dāman nahīñ miltā

kahīñ jhūle nahīñ paḌte kabhī sarsoñ nahīñ phūlī

yahāñ pardes meñ aa kar mujhe sāvan nahīñ miltā

siyāsat kī dukānoñ se ḳharīdeñ haiñ na.e chehre

sabhī rahbar baneñ phirte haiñ ik rahzan nahīñ miltā

mire aslāf sā koī amānat-dār hai ‘sābir’

agar masraf ho zaatī to diyā raushan nahīñ miltā

Leave a Comment