Poet
shahr-e-nigaran men phirte hain ham avara raat Dhale
shayad koi daricha va ho shayad koi diip jale
koi gham-agin naghma chheḌe koi ‘mir’ ke sher paḌhe
kam kam dard ki kaliyan mahken pal pal gham ki raat Dhale
viran viran dil ki basti suuni suuni rah-e-vafa
aise kaThin raste pe koi do-char qadam to saath chale
chaak har ik gul ka daman aur avara har mauj-e-saba
jaise mujh se mil na saka ho koi bichhaḌte vaqt gale
ḳhatm hua hai ‘ishqi’ tum par silsila-e-vahshat-zadagan
shayad koi shaḳhs tumhare ba.ad vafa ka naam na le
Leave a Reply