Poet
shahr-e-ḳhisht-o-sang men rahne laga
main bhi us ke rang men rahne laga
pahle to aaseb tha basti ke beach
ab vo ik ik ang men rahne laga
apni sulh-e-dosti laa.i ye rang
vo musalsal jang men rahne laga
tab juda hote na the ab fasla
darmiyan farsang men rahne laga
us se tark-e-guftugu karne ke ba.ad
soz ik ahang men rahne laga
shahr-e-ḳhush-poshan ko ‘azmi’ chhoḌ kar
vadi-e-be-rang men rahne laga
Leave a Reply