Naseer Parwaz
koi shadab-o-hasin shahr ka manzar dekho
jhank kar rauzan-e-ehsas se bahar dekho
meri avaz mira jism mira chehra hai
ho jo mumkin to mujhe haath laga kar dekho
umr bhar apna ta.aqub kiya ham ne dar-dar
aur us aks ka israr tha paikar dekho
ek saa.e ki tarah saath hai bachchon ka hujum
dil hai shisha to har ik haath men patthar dekho
ek tasvir lakiron men chhupi baiThi hai
jism kahta hai use haath laga kar dekho
ek ḳhushbu ki tarah ruuh se lipTe na raho
kabhi mujh ko bhi zara duur hi rah kar dekho
sha.iri Thahri hai is daur men la.anat ‘parvaz’
biivi bachche kabhi ghar aur kabhi daftar dekho
Leave a Reply