shahadat men zafar raushan jabin ko dekh le aa kar
sun ai qatil miri fat.h-e-mubin ko dekh le aa kar
miri yadon men hain abad mazlum-e-jahan saare
kahan tak adl hai dil ki zamin ko dekh le aa kar
mila hai yak jahan gham mujh ko teri bevafa.i se
ye kaisa auj hai jan-e-hazin ko dekh le aa kar
mujhe fikr-e-jahan kitni hai apni zaat men ‘rashid’
mile fursat to us ḳhana-nashin ko dekh le aa kar
Leave a Reply