noon-meem-rashid

Shaer-E-Darmanda

zindagi tere liye bistar-e-sanjab-o-samur

aur mere liye afrang ki daryuza-gari

afiyat-koshi-e-aba ke tufail

main huun darmanda-o-be-chara adiib

khasta-e-fikr-e-maash

para-e-nan-javin ke liye mohtaj hain ham

main mire dost mire saikadon arbab-e-vatan

yaani afrang ke gulzaron ke phuul

tujhe ik shaer-e-darmanda ki ummid na thi

mujh se jis roz sitara tira vabasta hua

tu samajhti thi ki ik roz mira zehn-e-rasa

aur mire ilm-o-hunar

bahr o bar se tiri zinat ke guhar laenge

mere raste men jo haail hon mire tira-nasib

kyuun duaen tari be-kar na jaaen

tere raton ke sujud aur niyaz

(us ka baais mira ilhad bhi hai)

ai miri sham-e-shabistan-e-vafa

bhuul ja mere liye

zindagi khvab ki asuda faramoshi hai

tujhe maalum hai mashriq ka khuda koi nahin

aur agar hai to sara-parda-e-nisyan men hai

tu ”masarrat” hai miri tu miri ”bedari” hai

mujhe aghosh men le

do ”ana” mil ke jahan-soz banen

aur jis ahd ki hai tujh ko duaon men talash

aap hi aap huvaida ho jaae

More Poems

Leave a Comment