Shahryar
shadid pyaas thi phir bhi chhua na paani ko
main dekhta raha dariya tiri ravani ko
siyah raat ne behal kar diya mujh ko
ki tuul de nahin paaya kisi kahani ko
baja.e mere kisi aur ka taqarrur ho
qubul jo kare ḳhvabon ki pasbani ko
amaan ki ja mujhe ai shahr tu ne di to hai
bhula na pa.unga sahra ki be-karani ko
jo chahta hai ki iqbal ho siva tera
to sab men baanT barabar se shadmani ko
Leave a Reply