Azm Shakri
shab ki aghosh men mahtab utara us ne
meri ankhon men koi ḳhvab utara us ne
silsila TuuTa nahin mom-sifat logon ka
pattharon men dil-e-betab utara us ne
ham samajhte the ki ab koi na aa.ega yahan
dil ke sahra men bhi asbab utara us ne
bazm men ḳhuub luTa.e ga.e chahat ke gulab
is tarah sadqa-e-ahbab utara us ne
ansuon se kabhi sairab na hota sahra
mere andar koi sailab utara us ne
Leave a Reply