Poet
kaho ki tuur pe jalta rahe charagh abhi
mujhe sharab se hasil nahin faragh abhi
abhi to bada-parasti miri shabab pe hai
ravish ravish hai mire dam se baagh baagh abhi
jo sub.h-e-vasl tire gesuon se Tapki thi
mahak raha hai usi baagh se dimagh abhi
qayam-e-hashr zara aur multavi kar do
ki mai-kade men khanakte hain kuchh ayagh abhi
abhi jahannam-e-duniya men aur jalne do
miri jabin-e-baghavat hai daagh daagh abhi
nahin hai fursat-e-tauba sharab se ‘maz.har’
ki faiz-e-yar se labrez hai ayagh abhi
Leave a Reply