shab ke hain maah mehr hain din ke
ruup dekhe butan-e-kamsin ke
bose hain be-hisab har din ke
vaade kyuun talte ho gin gin ke
hain vo divane jazb-e-batin ke
utri hai shishe men pari jin ke
ahl-e-dil dekhte hain aap ka munh
aaine men safai batin ke
dil ravan ho khayal-e-yar ke saath
jaae maskan bhi saath sakin ke
lagharon par hai zulm-e-jan-shikni
ai ajal todti hai kyuun tinke
rahe kalkatta men mukhir ‘munir’
sadqe apne imam-e-zamin ke
Leave a Reply