Shab Ke Gham Din Ke Azabon Se Alag Rakhta Hun

shab ke ġham din ke azāboñ se alag rakhtā huuñ

saarī tābīroñ ko ḳhvāboñ se alag rakhtā huuñ

jo paḌhā hai use jiinā hī nahīñ hai mumkin

zindagī ko maiñ kitāboñ se alag rakhtā huuñ

us kī taqdīs pe dhabba nahīñ lagne detā

dāman-e-dil ko hisāboñ se alag rakhtā huuñ

ye amal ret ko paanī nahīñ banñe detā

pyaas ko apnī sarāboñ se alag rakhtā huuñ

us ke dar par nahīñ likhtā maiñ hisāb-e-duniyā

dil kī masjid ko ḳharāboñ se alag rakhtā huuñ

Leave a Comment