Shab-E-Tarik Chup Thi Dar-O-Diwar Chup The

Poet

shab-e-tarik chup thi dar-o-divar chup the

numud-e-sub.h-e-nau ke sabhi asar chup the

tamasha dekhte the hamare zabt-e-gham ka

musallat ek Dar tha lab-e-iz.har chup the

hava.en chiḳhti thiin faza.en gunjti thiin

qabila baT raha tha magar sardar chup the

girata kaun baḌh kar bhala divar-e-zulmat

ujalon ke payambar pas-e-divar chup the

mata-e-abru ko bacha sakte the lekin

muhafiz sar-nigun the to pahre-dar chup the

nahin hai is se baḌh kar koi tauhin fan ki

ḳharide ja rahe the magar fankar chup the

zamana chahta tha kahani ka tasalsul

magar parde ke pichhe sabhi kirdar chup the