Ram Riyaz
na ankhen surḳh rakhte hain na chehre zard rakhte hain
ye zalim log bhi insaniyat ka dard rakhte hain
mujhe shak hai ki tum tiira shabon men kaise nikaloge
chaTanen kaTne ka hausla to mard rakhte hain
mohabbat karne valon ki tumhen pahchan batla.un
dilon men aag ke ba-vasf siina sard rakhte hain
hava ne ahl-e-sahra ko ajab malbus baḳhsha hai
saron par log pagḌi ke baja.e gard rakhte hain
use dekha to chehra Dhanp loge apne hathon se
ham apne sathiyon men ‘ram’ aisa fard rakhte hain
Leave a Reply