na samajh saki jo duniya ye zaban-e-be-zabani
tira chehra ḳhud kahega mire qatl ki kahani
ye azab-e-asmani ye itab-e-na-gahani
hain kahan samajhne vaale mire ansuon ko paani
kahin luT raha hai ḳhirman kahin jal raha hai gulshan
use kis ne saunp di hai ye chaman ki pasbani
miri tujh se kya hai nisbat mira tujh se vasta kya
tu haris-e-lala-o-gul main fida-e-baghbani
tujhe naaz husn par hai mujhe naaz ishq par hai
tira husn chand-roza mira ishq javedani
ye vo dil-ruba hai duniya mire dosto ki jis ki
na koi ada na.i hai na koi ada purani
koi us se kah de ‘aḳhtar’ zara hosh men vo aa.e
na rahega zindagi bhar ye surur-e-shadmani
Leave a Reply