shab-e-firaq ki zulmat hai na-gavar mujhe
naqab uTha ki sahar ka hai intizar mujhe
qasam hai laala o gul ke udaas chehron ki
fareb de na saka mausam-e-bahar mujhe
ba-surat-e-dil-e-pur-dagh un ki mahfil se
ata hui hai mohabbat ki yadgar mujhe
mazaq kal jo uḌati thi gham ke maron ka
vo aankh kyuun nazar aati hai sogvar mujhe
jafa o jaur-e-musalsal vafa o zabt-e-alam
vo iḳhtiyar tumhen hai ye iḳhtiyar mujhe
Leave a Reply