Ehsan Danish
baḳhsh di hal-e-zabun ne jalva-samani mujhe
kaash mil jaa.e zamane ki pareshani mujhe
ai nigah-e-dost ai sarmaya-dar-e-be-ḳhudi
hosh aata hai to hoti hai pareshani mujhe
khul chuka haan khul chuka dil par tira rangin fareb
de na dhoka ai tilism-e-hasti-e-fani mujhe
phir na sabit ho kahin nang-e-bayaban jism-e-raz
soch kar karna junun maa.il ye uryani mujhe
muntaha-e-zauq-e-sajda ye ki ik fareb
kufr tak le aa.i takmil-e-musalmani mujhe
manzilon ‘ehsan’ pichhe rah ga.e dair o haram
le chala jaane kahan sailab-e-hairani mujhe
Leave a Reply