Anjum Khayali
shab-e-firaq achanak ḳhayal aaya mujhe
ki main charagh na tha us ne kyuun jalaya mujhe
kahan mila main tujhe ye saval ba.ad ka hai
tu pahle yaad to kar kis jagah ganvaya mujhe
mujhe shub.h sa hua us ki be-niyazi se
main ḳhud bana huun ḳhuda ne nahin banaya mujhe
mila bhi mujh ko bichhaḌ kar kahin chala bhi gaya
aur apna naam bhi us ne nahin bataya mujhe
Leave a Reply