sehan-e-a.inda ko imkan se dho.e jaa.en
banjh hai qarya-e-jan aa.iye ro.e jaa.en
us sehr-zadi ki peshani ko chumen jhumen
ḳhud men ḳhurshid banen shab men piro.e jaa.en
ghaḌiyan kandhon pe rakhe ye mire peḌ se log
sub.h se shaam talak dhuup ko Dho.e jaa.en
ḳhvab-e-derina ka manzar bhi ajab manzar hai
ham tiri god men jagen bhi to so.e jaa.en
dasht-e-dil men koi pagDanDi bana.en us par
DhunDne jaa.en use dasht men kho.e jaa.en
Leave a Reply