sayon se bhi dar jaate hain kaise kaise log
jite-ji hi mar jaate hain kaise kaise log
chhoḌ ke mal-o-daulat saari duniya men apni
ḳhali haath guzar jaate hain kaise kaise log
bujhe dilon ko raushan karne sach ko zinda rakhne
jaan se apni guzar jaate hain kaise kaise log
aql-o-ḳhirad ke bal buute par sab ko hairan kar ke
kaam anokhe kar jaate hain kaise kaise log
ho be-laus mohabbat jin ki ghani hon jin ke dil
daman sab ke bhar jaate hain aise aise log
Leave a Reply