sauda tha bala-e-josh par raat
bistar par bichhae nashtar raat
bigde the yahan vo aan kar raat
be-taur bani thi jaan par raat
ham ta-sahar aap men nahin the
kya jaane rahe vo kis ke ghar raat
afsana samajh ke so gae vo
kaam aai fughan-e-be-asar raat
aine men ho na mom jaadu
sote nahin ab vo ta-sahar raat
taare ankhen jhapak rahe the
tha baam pe kaun jalva-gar raat
andhera pada zamane men haae
ne din ko hai mehr ne qamar raat
is lail-o-nahar-e-gham ne maara
hai roz se siyah-tar raat
kya puchho ho munkar-o-nakir aah
bigde jo vo tan-e-ghair par raat
ye baat badhi ki mar gae ham
maut aai thi qissa mukhtasar raat
is ghar men hai aish-e-khuld ‘momin’
kya jaane kahan hai din kidhar raat