Poet
sauda-e-ishq-e-ḳham to har ik bashar men hai
majnun sa zabt-o-josh-o-junun kis ke sar men hai
ik main hi madah-go nahin sarkar aap ka
charcha tumhare husn ka har ek ghar men hai
allah re nur-e-mus.haf-e-ruḳhsar ki damak
ye taab ye chamak kahan la.al-o-guhar men hai
ghayal kiye hazar to lakhon jala diye
kya baat un ki nigah-e-jadu-asar men hai
nahaq hi koste ho jo rindon ko shaiḳh ji
dekha bhi rashk-e-hur koi umr bhar men hai
ḳhanjar chhupa liye hain jo mizhgan ki aaḌ men
ham par ayaan hai sab jo tumhari nazar men hai
bismil hue raqib to ham tilmila uThe
saare jahan ka dard hamare jigar men hai
ḳhana-ḳharab-e-ishq ne duniya se kho diya
is par bhi aaj tak vahi ḳhafaqan sar men hai
‘azam’ baja hai sim-tanon ka ghurur-e-husn
qudrat hai un ki baat men jaadu nazar men hai
Leave a Reply