sau tarah ka chhod kar aram tere vaste
ku-ba-ku phirta huun ai khud-kam tere vaste
ishq ne tere mujhe is rang ko pahuncha diya
munh se har ik ke suna dushnam tere vaste
mahr ke manind khata charkh phirta huun kharab
subh se ai mah-jabin ta-sham tere vaste
ghuncha o gul le rahe hain saqiya majlis hain chal
shishe mere vaste aur jaam tere vaste
aa bani hai ab ‘nisar’-e-na-tavan ki jaan par
dekhna tuk ai dil-e-nakam tere vaste
Leave a Reply