na main samjha na aap aa.e kahin se
pasina pochhiye apni jabin se
chali aati hai honTon par shikayat
nadamat Tapki paḌti hai jabin se
agar sach hai hasinon men talavvun
to hai ummid-e-vasl un ki nahin se
kahan ki dil-lagi kaisi mohabbat
mujhe ik laag hai jan-e-hazin se
idhar laao zara dast-e-hina.i
pakaḌ den chor dil ka ham yahin se
junun men is ghazab ki ḳhaak uḌaa.i
banaya asman ham ne zamin se
vahan ashiq-kushi hai ain-iman
unhen kya bahs ‘anvar’ kufr-o-din se
Leave a Reply