afsar-mahpuri

Sarishk-e-Gham Ki Rawani Thami Hai Mushkil Se

sarishk-e-gham ki ravani thami hai mushkil se

jo baat kahni thi un se kahi hai mushkil se

na jaane ahl-e-junun par ab aur kya guzre

abhi to fasl-e-baharan kati hai mushkil se

shab-e-firaq na puchho ki kis tarah guzri

sahar hui to hai lekin hui hai mushkil se

laga hua hai ye dhadka ki bujh na jaae kahin

hava men sham-e-mohabbat jali hai mushkil se

kahan thi manzil-e-maqsud apni qismat men

kisi ki rahguzar bhi mili hai mushkil se

More Poems

Leave a Comment