munawwar-rana

Sari Daulat Tere Qadmon Mein Padi Lagti Hai

saari daulat tire qadmon men padi lagti hai

tu jahan hota hai qismat bhi gadi lagti hai

aise roya tha bichhadte hue vo shakhs kabhi

jaise savan ke mahine men jhadi lagti hai

ham bhi apne ko badal Dalenge rafta rafta

abhi duniya hamen jannat se badi lagti hai

khushnuma lagte hain dil par tire zakhmon ke nishan

beach divar men jis tarah ghadi lagti hai

tu mire saath agar hai to andhera kaisa

raat khud chand sitaron se jadi lagti hai

main rahun ya na rahun naam rahega mera

zindagi umr men kuchh mujh se badi lagti hai

More Poems

Leave a Comment