Ezaz Afzal
sarhad-e-jalva se jo aage nikal ja.egi
vo nazar jurm-rasa.i ki saza pa.egi
chashm-e-saqi na kahin apna bharam kho baiThe
aur kab tak ye miri pyaas ko bahla.egi
jo nazar guzri hai tapte hue nazzaron se
kya tasavvur ki ghani chhanv men so ja.egi
kyuun rahen shahr bhi faizan-e-junun se mahrum
aql divanon pe patthar hi to barsa.egi
hai ḳhizan mausam-e-afsurda-nigahi ka naam
bujh gaya shauq to har shaḳh jhulas ja.egi
Leave a Reply