sarfaroshon ke chale lashkar pe lashkar dekhiye
apni pahli jang-e-azadi ka manzar dekhiye
dekhiye vo hinduon men valvale bajrang ke
vo musalmanon men josh-e-ḳhun-e-haidar dekhiye
vo mahanton ke maThon men yudh ki tayyariyan
ban ga.e jogi ka.i nirvan safdar dekhiye
ḳhanqahon ke jigar-daron men hangam-e-jidal
pas-e-qur.an pas-e-ta.alim-e-payambar dekhiye
qarya qarya kuche kuche men vo jangi ma.arke
har taraf se aag barsi jin pe vo ghar dekhiye
Leave a Reply