Sarab

Naz Butt

vasl ke fasane se

hijr ke zamane tak

fasla hai sadiyon ka

fasla kuchh aisa hai

umr ki masafat bhi

jis ko tai na kar paae

manzilon ke milne tak

aarzu hi mar jaae

chaar samt aahon ke

dil-figar manzar hain

manzaron ki barish men

aankh bhigi rahti hai

aaine se kahti hai

kis liye sanvarti hon

kyuun singhar karti huun

ajnabi musafir ka

intizar karti huun

roz roz jiiti huun

roz roz marti huun