honTon pe jo tere hai ye muskan miri jaan
le ja.egi ik roz miri jaan miri jaan
sab hosh ganva baiThe tire chahne vaale
is baat pe hona nahin hairan miri jaan
apnon se kabhi tark-e-ta.alluq nahin karte
apnon ko nahin karte pareshan miri jaan
is hansne hansane se nahin ja.ega kuchh bhi
is men to nahin koi bhi nuqsan miri jaan
chehre pe jami dhuul se kyon bhuul raha hai
‘jazib’ huun main ‘jazib’ mujhe pahchan miri jaan
Leave a Reply