ahmad-irfan

Sara-e-Dahr Ka Jalta Makan Chhod Gaya

sara-e-dahr ka jalta makan chhod gaya

magar vo shakhs ki apna nishan chhod gaya

sukun ke vo sabhi pal to le gaya hai magar

mire vajud men apni thakan chhod gaya

bhanvar ke beach mire nakhuda ko kya sujhi

ki naav chhod gaya badban chhod gaya

qafas men tha to parinda chahakta rahta tha

magar falak pe vo apni udaan chhod gaya

kisi bhi shakhs ke jaane ka kya gila karta

bala ki dhuup men jab saeban chhod gaya

More Poems

Leave a Comment